Plantun de Prouvènço

Pèr coumpara dos planto d'encò nostre

Polypodium vulgare & Phleum rhaeticum

Regalisso-bastardo

Polypodium vulgare

Polypodiaceae

Àutri noum : Regalisso-de-chivau, Regalisse-bastard, Poulipòdi.

Nom en français : Polypode commun.

Descripcioun :
La regalisso-bastardo trachis au nostre subretout en mountagno sus sòu séusous. I'agrado li roucas e li bos fres. Pèr la bèn destria de sa cousino, Polypodium interjectum, faudrié regarda lis espourange au microuscope (x 100) pèr verifia que i'ague mai de 11 celulo à l'assiso mecanico. Pamens lis espourange devènon madur l'estiéu eici alor que pèr P. interjectum, es en autouno. De nouta tambèn qu'aquesto assiso èi mai sourno eici (fotò-sèmblo un vèrme brun).

Usanço :
La regalisso-bastardo tèn soun noum de soun rizoumo (fotò) qu'a lou goust de la regalisso. Tastas ! Es uno planto vertuouso contro lou tussi, lou quiéu tapa e li vèrme. Peréu èi diuretico e coulagogo.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Polypodium
Famiho : Polypodiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 0 à 2300 m
Aparado : Noun
Juliet à setèmbre

Liò : Roucas - Bos fres
Estànci : Coulinen à Subaupen
Couroulougi : Éurasiatico
Ref. sc. : Polypodium vulgare Shivas, 1961

Erbo-de-prat(-retico)

Phleum rhaeticum

Poaceae Graminaceae

Àutri noum : Bauco, Co-de-gàrri.

Nom en français : Fléole des Alpes rhétiques.

Descripcioun :
Erbo que trachis dins li prado e li roucas de mountagno. L'espigo, un pau longo, a uno coulour griso emé de vióulet. Coume pèr tóuti li Phleum, fau regarda li glumo pèr s'assegura de l'espèci (lùpi). L'erbo-de-prat-retico a de lònguis arèsto (fotò), e au contro de Phleum alpinum aquéli soun ciliado (peréu soun espigo èi bèn mai grando). Coumpara emé l'erbo-de-prat-dis-Aup que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Phleum
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 2 à 4(6) cm
Flourido : Printèms - Estiéu

Sòu : Si (Ca)
Autour basso e auto : Pancaro entresigna
Aparado : Noun
Jun à avoust

Liò : Prado umido - Coumbo à nèu - Palun de mountagno
Estànci : Subaupen à Aupen
Couroulougi : Ouroufito-Sud-Éuropo
Ref. sc. : Phleum rhaeticum (Humphries) Rauschert, 1979 (= Phleum alpinum subsp. rhaeticum Humphries, 1978 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Polypodium vulgare & Phleum rhaeticum

ges

RRR

Coumpara Regalisso-bastardo emé uno autro planto

Coumpara Erbo-de-prat(-retico) emé uno autro planto